هجم عليا الليل
وانا قاعد في حالي
شاغل أمورى بنفسي
وبفكر في أحوالي
والدنيا هم كبير
تهت انا ف زحمتها
وفوق مني نجمه نورها بيلالي
أناديها ترد ندايا
وأتاريها تشبهنى
همها شبه همي وموالها موالي
قلتلها وبسرعه بدل
ماتكوني وحدك واكون انا وحدي
خلينا نتصاحب والصحبه تحلالي
وكان طريقنا طويل
كله غني ومواويل
لكن في النهايه بردو
ماجاوبتش علي سؤالي
لإمتي هافضل ماشي
ولإمتي هافضل تايهه؟
وإمتي هالاقي نفسي ونفسي تصفالي
وفي عز العتمه والليل
توصلني صوت تراتيل
طالعه وبتنده
مش ناوي يا عبدي تلجألي في عز مانت عليل
انا الشافي اللي بيك عالم
وإنت قلبك الظالم مش ناوي الي يميل
تلف الدنيا علشاني
تدور عليا وسط الاف بتتكلم بلساني
وانا ف قلبك جبل راسخ
ليه بتسأل ع الدليل
ونده المؤذن حي لقيتني بجري عليه
سيبت غنايا ومواويلي ونفسي ما بين إيديه
لقيت النور بيشقشق كأنه لسه وليد
من غير ما يبكي باينه الضحكه في عنيه
السما صافيه والنفوس صافيه
والنوايا بتصفي مدام اللجوء ليه
ولقيتني واحد تاني
وليا صاحب وحيد أول مالوش تاني
في عز عتمتي وخوفي
ألاقيني بجري عليه
وفي عز العتمه والليل
ردحذفتوصلني صوت تراتيل
طالعه وبتنده
مش ناوي يا عبدي تلجألي في عز مانت عليل ..
>> تسلم ايديك .. رائعة :)
الله ايه الجمال دة
ردحذفجميله اوى افتتاحيه الصباح بالنسبه الي :)
ما شاء الله فعلا رائعه ومميزة جدا تسلم ايديك تحياتى ومنتظرة الجديد
ردحذفونده المؤذن حي لقيتني بجري عليه
ردحذفسيبت غنايا ومواويلي ونفسي ما بين إيديه
اللــــــــه :)
بحب جدا الخاطرة دى
جدااااااااا .. بحسها اوووووى كل ما بقرأها
دُمت مُبدعاً يا محمد
حلوه ..بالتوفيق
ردحذفحلوة ربنا يكرمك
ردحذفجميله جدا ما شاء الله
ردحذفNada
ردحذفنورتى المدونه واسعدتيني برأئك ..
شكراا
rona
ردحذفصباحك كله خر ان شاء الله
شكرا علي رأيك الجميل
mena
ربنا يخليكي .. الجديد بخاف منه .. مش دايما بيجي برىء كدا :D
نورتيني
إيمــــان
ردحذفانا كمان بحبها جدا وبعتز بيها جدا
يمكن الحاجه الوحيده اللى كتبتها وحاسس انى فيها أمل
وان بعد العتمه دايما بيجي النور
:)
خالد ناجى
ردحذفكبير العيله منورنى وربنا
بسعد دايما بوجودك .. مستنيك النهاردة فى معادنا
nona
دا بس من ذوقك
اتشرفت بوجودك فى مدونتى المتواضعه
Manar
ردحذفالأجمل انى اشوف دايما هنا
;)
الله يافنان
ردحذفاستاذى
ردحذفمنور المدونه والله
ومنورنى برأيك الجميل ... ماتحرمناش منه تانى ياريت
:)
ونده المؤذن حي لقيتني بجري عليه
ردحذفسيبت غنايا ومواويلي ونفسي ما بين إيديه
لقيت النور بيشقشق كأنه لسه وليد
من غير ما يبكي باينه الضحكه في عنيه
السما صافيه والنفوس صافيه
والنوايا بتصفي مدام اللجوء ليه
ولقيتني واحد تانيوليا صاحب وحيد أول مالوش تاني
في عز عتمتي وخوفي
الاقينى بجرى عليه
بجد رائعة يا تاكاشى
شكرااااا جزيلا يا اسماء
ردحذفمانتحرمش من متابعتك ولا ارائك ابداااا
:D :D