سمعت عن مرضى السرطان
من إعلان التلفزيون
شفت وشوش زى الملايكه
بتتألم فين ما يكون
شايله حمل يهد جبال
وعذاب من كل صنف ولون
طفل مريض والحاله ع الأد
والأدوية سعرها مجنون
الأم سهرانه تدواي
والأب في شغله مطحون
قلت أروح أشوف بنفسي
مكن اساعد وأمدلهم يد العون
لقيت الناس صابرة وراضيه
بـ اللي كتبه رب الكون
بسمه جميله ماليه الوش
وكلمه حمد تحمى وتصون
غصب عنى بكى قلبى
وابتدت عيني تدمع
حسيت بكسرة جوايا
وصرخ قلبى الف أهه توجع
صاحبتهم ولاعبتهم
ووانا ماشى وعدتهم
انى راح ارجع
وعقدت العزم جوايا
اني اساعدهم بكل مقدرتي
بأى شيء ينفع
هاجبله دوا من حر مالى
دمي عليه لا يمكن يكون غالى
صحيح انا ماشى
لكن مش هاقول وانا مالى
هاقول لكل اصحابي
ولاى حد يجى فى بالى
يلا بينا نساعدهم
دول بقو في غلاوة عيالي
هانده بعلو صوتي وانا عارف
إن فيكم مين يسمع
تعالوا نساعد المرضى
وفى كرم ربنا نطمع
نعمل اللي نقدر عليه
وأيدينا للسما نرفع
يا رب رحمتك
يا رب رحمتك
يا رب رحمتك عنا لا تمنع
تعالى وارسم على وشوشهم ... بسمه
اللهم اشفى جميع مرضى المسلمين..
ردحذفوفرج همهم..واجعلهم نوراً لأمورهم
وخفف عن مرضهم..
يا رب رحمتك
يا رب رحمتك
يا رب رحمتك عنا لا تمنع
ـــــــــ
فعلاً الإنسان منهم بيكون فى أمس الحاجه
للمساعده..دا حقهم علينا.
تسلم ايدك يا محمد ..
اسعد لحظه في حياه اى بنى آدم لما يسعد اللى قدامه
حذفوتخيلي بقى لما يكون اللى قدامك دا السعادة مستعصيه عليه محتاجها بجد
لازم نتعلم ازاى نرسم على وشوشهم ابتسامه
:(
ردحذفاللهم اشفهم شفاءا لا يغادر سقما
طول عمري وانا نفسي اروحلهم والله
بس الظروف مش سامحه
اكيد هروح قريب ان شاء الله
ربنا يستر ع نفسيتي بتاثر لدرجه لا توصف :(((
كلنا بنتأثر .. جربى مرة وانا متاكد انك مش هاتندمى
حذفعلى اد ما الواحد بيتوجع على اد ما بينبسط لانه ممكن يكون سبب في اسعاد آخرين
منورانى يا انغام :)
ربنا يشفيهم
ردحذفحلوه الكلمات
آمين يارب
حذفشكرا يا خالد