الأحد، 7 أكتوبر، 2012

قلبك بور ..؟!


قلبك بور .. ؟!ـ
نفسك ضلمه روحك تسرج نور ..؟!ـ
نفسك نور الشمس يمحي الأمس
فتبقي ريحه الذكري فجأه بخور ..؟!ـ
لساك خايف م الفيضان ..؟!ـ
فيضان الحب
لو هايغرق نبته روحك يوم
ففيوم هاتقب
وهاتبقى جناين خضرا
ومرعي 
وأشجارها في حواشيك هاتشب
وهاتطرح قلب
فنصيحه قلبك
قضبان السجن اللي في جسمك
وحروف الليل اللي في اسمك
وشراع الخوف اللي في رسمك 
بيقولك ثور
ماتستناش الشمس تاخدلك دور
ماتستناش الأرض تفور

ابدأ انت 
عدي السور