كنت فاكر انى لما اعمل حمله للتدوين هاتجبرنى انى اكتب واطلع اللى عندى
وجيت فى اول تدوينه ولقيت نفسى مفلس
مش عارف اكتب ايه
يمكن فى فى دماغى افكار كتير نفسي اكتب عنها افكار حاسس انها لو خرجت من جوايا وعلى اى شكل كانت ... هاتعمل فرق
معايا انا على الاقل
الكتابه فى حد ذاتها مريحه وطريقه مهمه للترويح عن النفس وانا بستخدم الاسلوب دا فى حياتى لكن قليل
كتير بتبقى جوايا طاقه للكتابه واقبال كبير لكن بنهزم مع اول حاجه تشغلنى او تقتل الشغف اللى كان جوايا
حاولت اخصص لنفسى كل يوم وقت محدد للكتابه .. أي كان اللى هاكتبه
داومت فترة وبعد كدا ماكملتش
عندى يقين ان بعد الفلس دا ات شاء الله هاتطلع حاجه كويسه
وبعد الاعراض عن الكتابه طول الفترة اللى فاتت دى ان شاء الله هايجي يوم واطلع كل اللى جوايا على الورق
ولحد اليوم دا ما يجي ... للحديث بقيه
;)
وجيت فى اول تدوينه ولقيت نفسى مفلس
مش عارف اكتب ايه
يمكن فى فى دماغى افكار كتير نفسي اكتب عنها افكار حاسس انها لو خرجت من جوايا وعلى اى شكل كانت ... هاتعمل فرق
معايا انا على الاقل
الكتابه فى حد ذاتها مريحه وطريقه مهمه للترويح عن النفس وانا بستخدم الاسلوب دا فى حياتى لكن قليل
كتير بتبقى جوايا طاقه للكتابه واقبال كبير لكن بنهزم مع اول حاجه تشغلنى او تقتل الشغف اللى كان جوايا
حاولت اخصص لنفسى كل يوم وقت محدد للكتابه .. أي كان اللى هاكتبه
داومت فترة وبعد كدا ماكملتش
عندى يقين ان بعد الفلس دا ات شاء الله هاتطلع حاجه كويسه
وبعد الاعراض عن الكتابه طول الفترة اللى فاتت دى ان شاء الله هايجي يوم واطلع كل اللى جوايا على الورق
ولحد اليوم دا ما يجي ... للحديث بقيه
;)
انا للاسف بحس انى عايزة اضرب نفسي
ردحذفلنا يبقي جوايا كلام كتير
او الف حاجه معينه وانسي من انشغالي اكتبها
بيبقي شعور سخيف اوى لما احلى حاجه يشغلك عنها حاجتت روتينيه
بس ربنا يسهل ونقدر نستمر :):)
لك كل التوفيق
أحياناً الواحد بيبقى جواه كلام كتير عاوز يكتبه
ردحذفوفعلاً بييجى على غفلة .. وفى أوقات غريبة
اللى بيمنع الواحد بس عن الورقة و القلم ربما يكون بُعد أو إنشغال لأى سبب كان
وبتلف بينا حياتنا
وفى الآخر بنرجع تانى للورقة والقلم !
فترة الغياب مش شئ سلبى .. بالعكس أنا بشوفها فترة الواحد بيشحن فيها طاقة
وناس كتير بيغيبوا عن الكتابة فترات طويلة .. ولما بيرجعوا .. بيرجعوا بحاجات أقوى بكتير من اللى كتبوها قبل كدة
صبرااااااا :)
شد حيلك شويه يا برنس :)
ردحذفrona
ردحذفومش بس الانشغال اللى بيعطلنا
اوقات كتير احساس الواحد نفسه انه مش قادر يكتب مع ان الافكار فىد ماغه الا انه مش قادر يمسك القلم
دى فعلابتبقى اصعب
ربنا يعافينا ويعافيكي ان شاء الله نكتب من هنا ورايح ايا كان اللى هايتكتب ايه
نورتيني :)
إيمان
ردحذفانا عارف اننا بنلف نلف ونرجع تانى
لكن المشاعر والاحاسيس اللى بنمر بيها مش بنعرف نكتب عنها تانى
بتبقى ماضى خلاص
واعتقد ان دا شىء سلبى كفايه مهما كانت الطاقه اللى شحناها
احسن كتابه بتيجي وقت الازمه وقت ما الواحد يكون محتاج بجد انه يكتب
وما الصبر الا من عند الله .. اللهم ارزقناااا
:)
خالد
ردحذفماتقلقش يا كبير ... التقيل جاى
انا عندى أمل
احساسنا ساعات كتير بيكون كده زى ما انتا قولت
ردحذفمش عارفين نكتب ايه ولا فأيه
صدقنى الكلام هيطلع لوحده مع طول فترة الكتابة
لا تقلق :D
أنا عندى تقريبا نفس الحالة :(
ردحذفبقالي يجى سنه أو أكتر مكتبتش
و عشان كده نزلت حاجه مكتوبه بتاريخ قديم
ربنا ييسر و بكره يجي بأجمل أفكار لينا كلنا
دمت بود
انا كمان كنت فكره والله زيك كده وبيحصلى نفس اللى بيحصل ده بيتهيئلى ان دا حال معظمنا بس كان مره عمى قالى لازم تكتبي حتى لو سطرين ثلاثه كل يوم مع ان انا بشوف دا سعات صعب جداجدا بس ربنا يوفقنا كلنا يارب
ردحذفMiss LoZa
ردحذفرغم انى عارف كدا كويس
بس انا قلقان :D
Amina Hassan
ردحذفيبقى اكيد انتى اللى عديتيني :P
هى تقريبا حاله عامه وبتحصلنا كلنا من وقت للتانى
ربنا ييسر الامور ان شاء الله
نورتى المدونه ;)
nona elsha3nona
ردحذفعمك عنده حق .. لازم نخصص وقت يومى للكتابه
حتى لو هانكتب سطرين تلاته .. بتفرق جدا على فكرة
انا جربتها فترة بس انشغلت وماعرفتش اداوم فترة كبيرة
ان شاء الله نشجع بعض وتلاقينا كلنا بنكتب على آخر الحمله دى
شرفنى تواجدك :)
احنا وراك يا ريس ومستنيين التقيل
ردحذفودا بيحصل فىاحسن العائلات وهنلتمس ليك العذر بس لازم تيجى بحاجة جاااامدة
الصبر مفتاااح الفرج
ماتستعجلش
وخد وقتك
انتى عاوزة تجيبيلي تهمه ولا ايه
ردحذفريس ايه دلوقتى قولى احنا وراك يا مجلسسس :D
ربنا يفكها من عنده ان شاء الله