كبدايه كل شىء تأتي بدايته
عاديه طبيعيه .. تسير ببطىء ..
يكبر ..
مع كل يوم يمضي من حياته يأتي جميل ويذهب آخر
هكذا هي الحياه
حتي وصل الي منعطف حاد .. كل يوم يمضي يأخذ من حياته شيئا جميلا ويذهب
تتداعي في رأسه الأمور
ماهو المنعطف الحاد .. لا يدري
كيف وصل اليه .. أيضا لا يدري
كان نقيا
يضيف للحياه ..وتضيف له
حتي وصل الي منعطف حاد آخر .. صارت تضيف له الحياه كل يوم
ولا يضيف لها
تتداعي الأمور في رأسه
بلا حلم تمر الأيام .. ظن أنه كان يحلم بشيء لا يذكره الآن
بلا هوادة تمر الأيام .. ظن أن العمر مديد الي مالا نهايه
حتي مل الحياه .. وابتغي النهايه
مع كل نظره الي سيارة تعبر الطريق ..
مع كل خطوة يخطوها الى جوار النيل ..
مع كل ليله يذهب في سبات آملا ألا يصحو..
لم يعد كما الأمس
رغم أنه لا يدري كيف كان الأمس
حارب كثيرا من أجل حقه في الحياه ومجابهه كل من يعترض
حارب كثيرا كل من وما عكر صفو روحه يوما
حارب كثيرا حتي مل حربا بلا نتائج
كان وحيدا .. يحكي للأحلام فرح أحلامه
يشكو للأيام سوء أيامه
يقطع الطريق سيرا
يطلع العنان نهرا
يأمل الحياه سرا
كان وحيدا حتي ضاقت عليه الوحده
لم يعد للحياه سر
ولم يعد للعنان نهر
ويبق في الطريق سير
ماعاد للشمس نور
حل الظلام علي كل شىء
لا يوجد رابط بين أي شىء وأي شيء
يدرك الطريق الصحيح .. فيسير
يغمره الضعف في أول منعطف
يسير نحو الصواب
يغمره الضعف مع أول مفترق للطرق
يدرك الحقيقه
يتناساها ليحيا في عالمه الخاص
اذن أنت لست نقيا
الكمال لله وحده
اذن أنت لست وحيدا
الله معنا الله يرانا الله مطلع علينا
اذن لم أنت حزين..؟
لأني أعلم
وأدرك
ولا أفعل
اذن لم لا تفعل ما عليك فعله ..؟
مهما حاولت تبرير افعالي فستظل مجرد مبررات لا حجه لها
الخطأ يظل خطئا والصواب لم يزل صوابا
هل تشعر بالفرح .. هل ترى أى جمال من حولك .. ؟
لا
هل تشعر بالحزن .. هل تري أي قبح من حولك ..؟
لا
اعترف معي ان مجرد عدم الشعور بالأشياء مأساه
اعترف معك أن الحق أحق أن يتبع
تعرف الطريق .. لكنك لا تقوي عليه
ادع صديقا يساندك
لم تجد صديقا يساندك
ادع رب صديقك يساندك
هنا ..لا أقوي علي مواصله الحديث
حزينة فعلا..
ردحذفولكن أسلوبك سلس وجميل..
وأين الحلم إذاً؟
ردحذفالإسلوب جميل جداً جداً
والخاطرة نفسها رائعة .. كلمات وإحساس .. فى منتهى العمق والصدق
* بلا حلم تمر الأيام .. ظن أنه كان يحلم بشيء لا يذكره الآن
ردحذف..
* اعترف معي ان مجرد عدم الشعور بالأشياء مأساه
..
عجبتني الطريقة الفلسفية العميقة دي بجد :)
أعجبنى الكلام
ردحذفاذن لم أنت حزين..؟
لأني أعلم
وأدرك
ولا أفعل
كثيرا منا يكون لديه احلام يفكر فيها ويخطط لها ولكن لايفعل وبالتالى تكون نهاية احلامه إلى مالاأحلام إلى مالا هدف إلى مالا نجاح ...
فى ناس بتستهل مش عاوزين يتعبوا عشان ينجحوا فاكرين النجاح سهل وهو أصلا النجاح صعب عشان لازم الأنسان يجتهد ويجتهد ويظل يحلم إلى مالا نهاية
وعلى رأى حمزة نمرة
احلم معايا ..
روعة بجد الاسلوب بسيط بس معناه عميق وأكتر جملة عجبتني..اعترف معي ان محرد عدم الشعور بالأشياء مأساة....ربنا يوفقك :)
ردحذفربنا يدلنا كلنا عن الطريق والصديق الحق ان شاء الله
ردحذفحلوة اووووووووووووووووووووووى بقه !
ردحذفوالعنوان فظيع :)
دي غالبا بتبقي حالتي النفسية طول الوقت...
ردحذفماعدا الأوقات اللي اصحابي جنبي و مسانديني...
اذا سألت فسأل الله..و اذا استعنت فاستعن بالله...
بجد رائع!
جمييييلة
ردحذفبس الحلم محتاج فعل
مينفعش يبقى كله كلام و بس
لكن الفكرة جميلة جدا
Nermeen
ردحذفشكرا جزيلا لقرائتك وتواجدك فى مدونتى
الحقيقه دا شىء أسعدنى وأتمنى يستمر
تحياتي
إيمان
ردحذفوأين الحلم إذاً؟
من يقو على مجابهه الأحلام في ليل يملؤه الخوف
ليل طل النهار فصار ظلام ممسك بظلام
صراحه فاجأني ردك ورأيك .. :D
لكنه أسعدنى رغم ذلك
تحياتي
Nada
ردحذفيسعدنى طبعا انك شايفه الخاطرة بالشكل دا
زى ما اسعدنى تواجدك فى المدونه واتمنى تتواجدى اكتر واكتر
تحياتي
خالد
ردحذفدايما منورنى والله ;)
نيللى
ردحذفشكرا لتواجدك الجميل دايما
وشكرا اكتر واكتر على رأيك الاجمل
أصعب الجهاد هو جهاد النفس
ربنا يعينا علينا
Pure heart
ردحذفجزاكم الله خيرا
صراحه لم اخطط لكتابتها هو التدوين بقى اللى يجازيه :D
nona
ردحذفاللهم آمين .. ويعيننا على مواصله السير حتي النهايه
نورتيني :)
Miss LoZa
ردحذفدا بس من ذوقك ... شكرا لتواجدك الجميل واللى اسعدنى بجد.. اتمنى يستمر ان شاء الله
تحياتى
ريم
ردحذفربنا يعافيكي منها يارب .. ويعينك على التغلب عليها فى وقتها .. لانها لما بتطول بيبقى تأثيرها وحش
اعتقد اول زيارة ليكي فى المدونه
يارب تكون عجبتك
تحياتي
Radwa
ردحذففعلا هو محتاج جهاد ومثابرة لتحقيقه
وعزيمه على المواصله للنهايه
شكرا لتواجدك الجميل
تحياتي :)
آة انا إيه اللي جبنى هنا بس
ردحذفمسمعتش تحذيرك ليه :)))
علي فكرة اغبي شئ ممكن نعمله في نفسنا اننا عارفين الطريق ومش بنمشي عليه عارفين الحل ومش بنستخدمه
دة بيبقي اغبي من اللي مش لاقي الطريق اصلا
عجبتنى رغم حزنها مما هو واضح ايضآ انك مائل لهذا المود في تلك الفتره
اتمنى ان يزول ذلك الاحساس قريبآ :)
تحياتى لقلمك السلسل والمميز :)
Rona
ردحذفانا عملت اللى عليا وحذرتك :D
معلش بقى استحملينا اليومين دول لحد الحال ما ينصلح ان شاء الله
انا عارف انه شىء غبى جدا ان الواحد يبقى عارف الصح فين ومش قادر يعمله او مش عارف يعمله او حتي مكسل لكن للأسف اللى على الحال دا كتير
شكرا لرأيك الجميل
وتواجدك الاجمل
وابقى اسمعى الكلام بقى المرة الجايه :D
مهما حاولت تبرير افعالي فستظل مجرد مبررات لا حجه لها
ردحذفالخطأ يظل خطئا والصواب لم يزل صوابا
الواحد بيكلم نفسه كتير فعلا واحيانا بتختلط عليه امور كتير ولازم يحس بالمعاناة عشان يقرب من ربنا في وقت الشدة اكتر يمكن لو مكنش في معاناة مكنش قال يارب احيانا الواحد وهو مخنوق يدور على حد يتكلم معاه وميلاقيش ويتخنق اكتر
مع ان ربنا سبحانه وتعالى مدبر الامور عشان يلجأه هو
وهو الي قادر يسعده وقادر يشقيه
كلمات احساس رائع ومن واقع الحياة
فنان يامحمد
يا عم عايزين امل .... كفاية هموم زهقنا خلاص انا بدأت احس ان الاكتئاب دة من مكونات الشخصية المصرية .... بس الاسلوب حلو جدا
ردحذفبص بأة انتا اكيد عارفني .... انا ن م .... عايزين رواية فيها امل و حزن و سعادة و ابداع و كراهية ... مثلا رواية من قلب القاهرة ... رواية من العتبة ... رواية من الحرم الجامعي ...رواية عن الثورة ..... ظبط كدة ... و اكتب المقدمة و انا حساعدك
ردحذفهدى
ردحذففعلا عندك حق
ربنا بيدبر الامور عشان نلجأله هو قبل اى حد
ومع ذلك مش بنبقى مؤمنين بدا بكل جوارحنا
المعانا في حياه كل انسان شىء طبيعي لانه لو ماحسش بالضيق مش هايعرف طعم الفرج
نورتى المدونه ونورتيني يا هدى
;)
غير معرف .. مش ناوى تعرف عن نفسك طيب :D
ردحذفللأسف نادر جدا لما بعرف اكتب حاجه فيها امل
يمكن دا يرجع لشخضيتي او المواقف اللى بختار اكتب عنها
الله اعلم
ادعى كدا تقرالى حاجه تفرحك قبل ماموت :D
ن م الذى لم اكتشفه بعد
ردحذفيمكن الروايه تكون قدام شويه
مش حاسس انى اقدر عليها دلوقتى .. أو على الاقل هواصل فيها للنهايه
انا من الناس اللى مابتكملش :D
بصراحه مش لاقيه كلمة اوصف بها اعجابي بالخاطره
ردحذفبس كل اللي اقدر اقوله انها بجد تحفه و كالعاده صادقه الى أبعد حد :) :)
but keep smiling :)
منار
ردحذفكنت اتمنى اطلع ربع اللى عاوز اطلعه فى الخاطرة دى لكن ماعرفتش
بس اهى نفعت بردو وانا الحمدله مبسوط بيها جدا
انا ببتسم عادى والله :D