صوتك مندى
بحس انه لامس
احساس جوه عندى
بحس انه هش
وبحسه متين
في عينك براح
في كسره وجراح
وفي طريق يودى
لمعرفش فين
دمعك مهدي
نازل يخط
بصمه ايدين
دمعك بيوصف
ومن غير ما يحلف
حاسه بيدى
شعور بالحنين
قلبك منور
ورغم انه ساكت
بعزيمته يقدر
يهد حواجز
بنيتها السنين
لصوتك شجن
حزين لكنه
بطعم الوطن
ونظره عنيك
ولمسه ايديك
تقول انك انت
حاربت المحن
ورغم ان دمعك بيوصف كتير
ورغم ان قلبك صافي وكبير
يكفيني صوتك
اللي ساكنني طول الزمن
لصوتك شجن
حزين لكنه
بطعم الوطن
nice
ردحذفthnx
ردحذفT^T
ردحذفقلت لك بلاش نكد ...أرجوك أرجوك
كل مرة أدخل أفضل أنهنه كدا و هعيط خلاص ؟
هههههه
جميلة جدًا :D
كمل كمل ^^
بالتوفيق
سارة
ردحذفهى دى نكد :D
دى فرايحي خالص اهى
شوفى اللى جاى ودا اخر ما عندى
وسايبلك فرصه اهو تلحقى تاخدى نفسك عشان اللى بعدة :D
منورانى والله ;)
حلوووووة اووووى على فكرة
ردحذفاووى اووى يعنى :))))
تقبلته :D :p
حذفمنورانى يا بسنت والله .. ماتقطعيش الجوابات بقى ;)