يا صاحبي لغيبه بتطول
وشوقي كل يوم بيزيد
واحشني اللمه بوجودك
وقعدة شله المطاريد
واحشني زحمه الأوضه
ونومه الأرض
وعشوه بعد نص الليل
الى كانت فرض
صلاتنا وانت فيها إمام
أحلامنا سوا لقدام
مسيرة تطلع الطاقة
هتاف بيشحن الأيام
واحشني لما تتأخر وتقلقني
وحضنك بعد مابترجع تثبتني
واحشني يا صاحبي لو تعرف
وشوقي كل يوم بيزيد
واحشني اللمه بوجودك
وقعدة شله المطاريد
سافرت وسافروا هما كمان
وغابت بعدكو الضحكه
بقالكوا ف عتمه السجان
عمر وشويه فكه
ليست هناك تعليقات:
إرسال تعليق