الأربعاء، 21 مارس، 2012

بحبك يا أمي







بحبك يا امى يا نبع الحنان
ابوس ايديكى اللى ربت زمان

تعيشى يا أمى بقلبك وحبك
تنورى حياتى وكل مكان

بحبك يا أمى حب بجنون
بحب قلبك الصافى الحنون
وعمرى مانسى مهما يكون

نظرة عينيكى
بسمه شفايفك
لمسه ايدكى

بحبك يا أمى وخايف عليكى

انا تحت امرك انا كلى ليكى
صاحى ولا نايم بنادى عليكى
بحبك يا امى

بحبك يا أمى ونفسى اعيش
عمرى معاكى مايكفينيش
ومهما عملت ما يرضينيش
دا جميلك عليا ما يتوفيش
بحبك يا أمى


زمان سهرتى
علمتى
كبرتى
حنيتى قدرتى
ولسه شايله حملى
حتى بعد ماكبرتى

بحبك يا امى انتى اميرتى

ودلوقتى جه دورى اكمل
ارد ليكى حقك عليا
اشيل عينيكى جوا عينيا
احافظ عليكى بكل مافيا
بحبك يا امى  دانتى اللى ليا
من غير حبك اموت فى ثانيه
بحبك يا أمى

بحبك يا أمى
بحب حنانك
بحب ابتسامتك بكل كيانك
بحب صوتك
بحبك اكلك
بحب توبك
بحب حضنك
بحب شوقك
واموت اموت لو يوم اشوف دمعه فى عيونك
دمعه الم
دمعه حزن
 دمعه ندم
دمعه فراق
خلاص اتحسم
دمعه مكانها على الخد اترسم
دمعه بيها قلبى اتقسم
بحبك يا امى
بحبك يا امى ومش عايز اشوف دموعك تانى

عايزك فرحانه
سعيدة
بصحه حلوة
وكلك امانى
يا مدوبانى
بحبك يا امى بكل كيانى

بحبك يا أمى ومهما اقولها
مهما اعيدها
ماعرفش اوصف احساسى بيها
 او حتى ازيدها
كل اللى فى ايدى انى اقولها
من كل قلبى
بحبك يا امى
بحبك يا امى
بحبك يا امى

هناك 8 تعليقات:

  1. الله عليك يا محمد

    كلامك حلو اوى ..

    ومعبر اوى ..ويدمع كده

    ماشاء الله عليك
    ممكن تكون قولت اللى ناس كتير عايزه تقوله
    بس مش عارفه تعبر عنه

    تسلم إيدك

    ربنا يخلي والدتك

    وكل امهات الملمين ان شا ء الله

    ردحذف
    الردود
    1. شكرا يا منار على كلامك الجميل
      هى كلمات بسيطه جدا .. كانت في مسابقه تقريبا اياميها على جروب افتكاسات :D
      أيااااام بقى

      شكرا لزيارتك ... تحياتى ;)

      حذف
  2. تحفففففففففففففففففففففه والله
    كلامك جميل اوي
    ياريتني اقدر اوصف اد ايه اثرت فيا
    تسلم ايديك
    ويارب يخليلك امك وانا كمان يخليهالي :))

    ردحذف
    الردود
    1. أنغااام .. نورتيني
      والله الواحد جواه كتير لو حاول يوصفه مش هايخلص غالبا مش هايعرف .. لكن ادينا بنحاول
      سعيد بتواجدك جداا

      تحياتى

      حذف
  3. كل الحروف وكل الكلام..
    انتِ المعاني وكل الأسامي..

    يا فرحي ويا حزني..
    يا وجعي ويا أمي..

    قوية انت متل الصلاة والصرح وبتضلي قوية وطيبة انتِ متل المي والقمح يا طيبة وهنية
    قوية انت متل الصلاة والصرح وبتضلي قوية وطيبة انتِ متل المي والقمح يا طيبة وهنية
    دعواتك للسما توصل وما الها حجاب والعطا عندك دايم ومن غير حساب

    ولما بيتقاتلو البشر كل البشر
    تبقي للصلح انتِ انتِ يا امي وبتقولي خدو دمعي أيـــه خدو دمي
    تبقي للصلح انتِ انتِ يا امي وبتقولي خدو دمعي أيـــه خدو دمي

    ويا حضن الدفا
    ويا محلى الغفا
    يا حضنك يا امي

    يا فرحي ويا حزني
    يا وجعي ويا أمي
    يــــــــــــا أمي

    ردحذف
    الردود
    1. جميله جدا الكلمات دى

      جزاكم الله خيرا على المشاركه

      حذف
  4. ماشاء الله عليك بجد معبرة جدااااااااا
    وانا بكيت فيها
    مقدرش اقول ..غير بحبك ياامي

    ردحذف
    الردود
    1. وانا مقدرش اقول غير انى سعيد جدا برايك
      شكراااااااااا على الكومنت الجميييل دا
      نورتيني

      حذف