الثلاثاء، 25 أغسطس 2015

زمان وانا صغير

زمان وانا صغير كنت شقي جدا .. عكس دلوقتي خالص 
ياما وقعت ف مصايب وعديت منها والحمدلله .. هاحكيلكم نبذة مختصرة كدا :D

كنت بروح البلد كل أجازة وكان عندنا هناك جنينه صغيرة جدا فيها بتاع 10 شجرات جوافه في ناحيه والناحية التانيه مزروعه ذرة
طلبت معايا وانا واولاد عمتى ناكل ذرة مشوي وكان ممنوع علينا ناخد من الذرة المزروع دا فاتسحبنا كدا ولفينا من ورا البيت وروحنا وأخدنا يجي 20 كوز ذرة ..

مابنعرفش نشوي كنا لسه صغيرين .. قام ابن عمتي مولع نار كبيرة ورمي فيها الدرة .. طبعا طبعا طبعا الدرة اتحرق والولعه كبرت ولقيت ابويا بيجري ورانا :D

تاني يوم لما لقينا موضوع الدرة مش نافع قلنا بقي مافيش غير الجوافه .. 
تسلقنا شجر الجوافه كله ونضفناه تماما من أي جوافه صغيرة كبيرة مستويه مش مستوية .. وللأسف كان كله مش مستوي :D
ماكنش في ولا جوافيايه علي الشجر .. ملينا شوال كامل مافيش فيه ولا جوفيايه واحدة تتاكل .. رميناه :D

كان مزاج عندي اول ماوصل البلد اروح العزبه عند عمتى .. هناك شجرة توت كبيرة كنت اطله اهز ف الفروع والاغصان تنزل وتحت بنت عمتى تملى الطبق .. بس كان عندي مشكله دايما .. مش بعرف انزل من ع الشجرة :D
كل مرة اقع ف نفس الفخ اطلع وماعرفش انزل فاضطر انط من فوق 

كنت اتلم مع اولاد عمتى ونطلع سطح البيت نعمل اوضه صغيرة كدا من الخشب وملايات السرير وننام .. كان دا زي ركن خاص كدا للأنتخه .

زمان كان مشوار البلد ليه فرحه .. 
لمه العيله .. اللعب والتنطيط .. الارض الخضرا 

دلوقتي كل حاجه بهتت .. مافيش لمه عيله ولا لعب وتنطيط ولا حتي ارض خضرا

زمان وانا صغير



طبعا الى ف الصورة مش انا :D

ليست هناك تعليقات:

إرسال تعليق