عن حاجات كتير بتيجي في بالى ونفسي اكتب عنها بس مش عارف
عن صحابى أحلى حاجه في الدنيا .. مهما ننفض لبعض اول ما نتقابل ننسي كل اللى فات
عن كليتي اللى ماعشتش فيها يوم حلو .. لانى اصلا ماروحتهاش ولا يوم :D
عن لعب الكورة اللى انقطعت عنه من زمان
عن وزنى اللى بيزيد كل يوم ورغم كدا بقف قدام المرايه وأشفط بطنى وانفخ صدري وأشد ضهري فأبقى البج شو :D
عن قرارات كتير في حياتى أخدها وكانت غلط لكن ربنا عوضنى عنها بحاجات كتير أجمل
عن الكتابه اللى عايشه جوايا ومش راضيه تطلع بقى
عن الغدوه الحلوة اللى وراها عشوه حلوة ثم انتخه .. ما أجمل أن تأنتخ قليلا وترتاح كثيرا
عن ذكريات كتير ماتتنسيش وذكريات أكتر اتنست
عن أيام زي الفل .. وايام زي الوحل
عن عيلتى اللى كانت دايما متجمعه وبعدين مابقتش
عن شارعى اللى كرهنى في الدنيا وفي الناس
عن عيال الحته اللى عملو من طفل الشارع اسطوره
عن أوراقى اللى متبعترة بقالها سنين واللى شايله من عمري سنين
عن حاجات كتير اشتغلت فيها واشتغلتنى
عن مشاريع وأحلام لبكرة ما بيجيش
عن مصر اللى شايفها جنه وشايفانى سلم بتدوس عليه عشان تطلع لبكرة
عن قلبي اللى مضيعني
عن عمري اللى راح هدر .. لقدر هرمنااااا :D
حاجات كتير بتيجي على بالى مابلحقش اسجلها .. حاجات لو اتكتبت عمرها ماهاتقول ربع الاحساس اللى عايشه بيه جوايا
وما أكثر المشابهين لي في الموضوع دا
امتى الحاجات دى تتكتب بقى
ربنا يحقق لك كل احلامك عن قريب
ردحذفواياكم يارب :)
حذفأيوة الله حقيقة " حاجات لو اتكتبت عمرها ماهاتقول ربع الاحساس اللى عايشه بيه جوايا "
ردحذفالمشكله انالحاجات دى بتتنسي بسرعه اوى :D
حذفالافكار كالدحان
ردحذفومينفعش تمسكها الا بقلم و تحبسها فوق ورقة
لو جدع بقى اعمل كده D=
انا على طول بسجل افكارى على الموبايل بكلمات مختصرة .. ودايما برجعلها لما تنفذ مني الافكار
حذفانا جدع جدع يعني :D
عاليه اوى
ردحذفالمهم فعلا انك تلحق تمسك الفكره قبل ما تطير
والله يا محمود ياخويا حاجه بتحصل معايا ليلتى وانا بتعدل على السرير عشان انام بقى الاقى كم افكار عمال يضخ فى دماغى حاجات جديدة .. ساعات امسك الموبايل واسجل ولو كلمات بسيطه لكن في الغالب بكسل اقوم واقول هافتكر هافتكر واقوم الصبح اقول لنفسى انا كنت عاوز افتكر حاجه .. ايه هى بقى :D
حذفاكتب عن كل حاجة
ردحذفالمهم انك تكتب
انا فعلا بكتب .. لكن مابعرف اكتب عن كل حاجه .. صعب أوى
حذفخصوصا فى الاوقات اللى الواحد مابيعرفش يكتب فيها اى حاجه خالص .. ودى كتييييييير