في حاجات لما بيعدي عليها وقت .. بيبقى الكلام عنها بايخ ومالوش طعم
حاجات جوانا .. مشاعر او اوجاع .. بنبقى محتاجين اى حد جنبنا نحكيله
نفضفضله .. لمجرد الفضفضه
مش طلب لنصيحه لكن طلب ان حد يسمع
ومع كل موقف يعدي ومانلاقيش حد نحكيله او نتكلم معاه ..
حد يلح علينا علشان يعرف في ايه
حد بيحبنا بجد
حد بيخاف علينا فعلا
مع كل موقف يعدي نكتم فيه كلام كتيييير جوانا بنتعلم لغه الصمت
اللغه اللى ابلغ كتير من اى كلام
لأنها شايله كم أكبر من الوجع
الأسوأ من الصمت هو انك تتعود عليه .. الأسوأ من الوحدة هو انك تدمنها
بتلاقى نفسك ومن غير ماتشعر انزويت في ركن اوضتك ورا كتاب او كمبيوتر او حتى كشكول بتقول فيه لنفسك كل اللى كنت عاوز تشاركه مع غيرك
وساعات كتير ممكن تجري الحوار اللى انت عاوزة مع الشخص اللى انت عاوزة
حوار كامل .. في خيالك بس
بادرة خطر
خطر على نفسك لانك بتآمن للوحدة وبتروحلها من نفسك بعد كدا
بيبقى صعب انك تخرج من العالم دا .. الا لو ربنا اراد وبعتلك اللى يقدر يخرجك
لكن في ظل عدم وجود عوامل خارجيه لازم نستعين على الوحدة , الصمت , بكل حاجه حلوة حوالينا
أولا بربنا .. هو الصديق الحقيقي في وقت الضيق
هو الوحيد اللى يقدر يساعدك في اى محنه
ثانيا الدنيا مليانه اشخاص كويسين .. فماتزعلش لو قابلت كام واحد وماتفقتش معاه
دور هاتلاقى الى يقدرك ويحبك زي مانت
كمان انت اللى في ايدك انك تخرج من كل الحالات الغريبه دى .. لو عندك ارادة
وخليك دايما فاكر
ان اى تقصير انت السبب فيها .. وماترميش كل حاجه على شماعه الظروف
ولوشايف ان الارادة دى بطوله و مش شايف نفسك بطل .. اخلق انت البطل دا جواك
اخلق الهدف اللى تعيش علشانه .. اللى يديك الشغف للعمل
الأيام أثبتت ان مافيش مستحيل .. لكن احنا دايما اللى بنحط لنفسنا حواجز ونرجع نقول مش عارفين تعديها
فنصيحه قلبك
قضبان السجن اللي في جسمك
وحروف الليل اللي في اسمك
وشراع الخوف اللي في رسمك
بيقولك ثور
ماتستناش الشمس تاخدلك دور
ماتستناش الأرض تفور
ابدأ انت
عدي السور
زى المثل مــــا بيقول
ردحذفمش حيمسح دمعتك الا ايـــــدك!!
لا تنتظر مساعدة أحد إن لم تساعد نفسك!
بالظبط كدا .. الواحد لازم يكون عنده اراده انه يتغير من جواه
حذفانه يثابر ويقاتل عشان يحقق هدفه ..
استنيت كتير ان حد يساعدنى وطول عمري واقفة مكانى ، متغيرتش الا لما ادركت ان انا الي هساعدها .. تسلم
ردحذفانا كمان عدي عليا اوقات كنت في امس الحاجه للمساعدة .. لكن ربك هو اللى بيعين
حذفنورتيني :)
عدي السور
ردحذفهي الفكرة كلها وحل الحبكة ف دي
وغالبا مبنعرفش نعملها
احنا ممكن نكون بنحلم نعدى السور .. بنحلم بس
حذفوفي فارق كبير بين اننا نحلم واننا نقوم نحقق الحلم
يمكن مش فاهمين ان الموضوع مش صعب اوى . ويمكن محتاجين دايما اللى يزقنا
مش عارف !
أنا أدمنت الوحدة دي، ورغم أن فيه ناس بيغرفوا يخروني منها لكن بمجرد ما بيبعدوا برعلها تاني. إدمان فعلاً.
ردحذفيبدو ان فيه ناس محتاجة طول الوقت حد معاها يساعدها .. ممكن
الطبيعي ان الواحد مش بيعيش لوحده
حذفالطبيعي اننا دايما محتاجين مساعده
بس المساعده دي لو ماجتش .. نكمل احنا الطريق لوحدنا
لكن لو موجوده ليه نرفضها ؟؟
الوحدة عدو كبير للإنسان ..
الوحدة هي تلك الصديقة الوفية التي لا تخونك ومهما تركتها تعود إليها في اي وقت فتستقبلك بالترحاب .
ردحذفولكن أنا معك التعامل مع البشر والحديث أمتع من الوحدة .. عجبني الشعر وعجبني الاسلوب وصل الكلام ببساطة ..